ӨРИЙН ДАРАМТ, ГАЧИГДАЛ ЯДУУРАЛ НЬ ХҮМҮҮСИЙН ОЮУН УХААНЫГ МОХООДОГ

Өрөнд унасан эсвэл мөнгөний гачигдлын байнгын дарамтан доор явдаг хүмүүсийн сэтгэн бодох чадвар нь ойролцоогоор 13 IQ пунктээр буурсан байдаг байна. Хүн нэг шөнө нойргүй хоноход маргааш нь ойролцоогоор ийм үр дүнд хүргэдэг ажээ. Ийм дүгнэлтэнд Канадын хэсэг эрдэмтэн судлаачид судалгаа, туршилтууд явуулсны эцэст саяхан хүрсэн байна.

Science сэтгүүлд хэвлэгдсэн тэр тайланд өгүүлэхдээ тэр хүний шүүн тунгааж бодох мөн логиктой уялдуулан сэтгэх чадвар нь өдөр бүр хаанаас мөнгө олж өр зээл эсвэл бусад төлбөрөө төлөх мөн гэр бүлээ тэжээх вэ гэсэн зорилгуудыг өдөр бүр алхам тутамдаа шийдэх байх зайлшгүй шахаанд орсны дараа ихээхэн буурдаг байна.

Ийм хүмүүсийн оюун ухааны чадавх нь зөвхөн дээрх маш явцуу зорилгууд дээр л байнга төвлөрч байдаг тул тэдэнд мэдлэг боловсролоо ахиулах, эргэн тойрон дох бодит байдлаа эргэцүүлэн бодох, мөн өөрийн цаг хугацаа мөнгийг чадварлаг зохицуулах зэрэг энэхүү өр зээлийн дарамт, гачигдлаас гарахад нь тус болж чадах бусад мэдээллүүдийг олж авах, тэдгээрийг эргэцүүлэн бодож ойлгох цаг хугацаа зүгээр л хүрэлцдэггүй байна.

Энэ судалгааны багийн ахлагч Цзяин Чжао ярихдаа өр зээлийн дарамт, гачигдал ядуурал нь хүний оюун ухааны ихээхэн хүч чадлыг байнга "идэж" байдаг учраас өр зээлэнд унасан, гачигдал ядууралд орсон хүмүүст тэдний амьдрал аж байдлыг сайжруулахад нь тусалж чадах сэтгэн бодох чадварууд гэж зүгээр л үлддэггүй юм аа хэмээн тайлбарлаж байна.

Ийм учраас тийм хүмүүс дандаа бодлогогүй шийдвэрүүд гаргаж эргээд тэр хөнгөн алхмуудынх нь үр дагаврууд нь тэдэнд энэхүү гачигдал ядууралтайгаа байнга тэмцэж байх чөтгөрийн эргүүлгийг тас татан хаях боломж олгодоггүй ажээ.

Мэдээллийн эх үүсвэр: http://www.upi.com/Health_News/2013/08/29/Poverty-consumes-so-much-mental-energy-its-like-a-drop-in-IQ/UPI-27631377817059/#ixzz2dl5DyV00

Бидний олонх өөрсдийгөө, хойч үе залуучуудаа мөн улс Эх орноо харийн мөнгөний өрийн дөнгөнд хийсээр байгаа... Энэ нь эргээд манай улс үндэстний оюун ухааны чадавхыг мохоосоор байгаа... Харин тэгвэл энэ чинь "хэзээ нэгэн цагт хүрэх" барууны ардчилал, "та нарт үзэгдэхгүй ээ, энэ чинь үл үзэгдэх гартай эд" гэж тавлаад байгаа зах зээлийн эдийн засаг гэдэг тун зальжин нэртэй харийн колоничлолын үзэл суртлынх нь цаад жинхэнэ зорилго нь биш юм үү...