МОНГОЛЫН ҮНДЭСТНИЙ ЧӨЛӨӨЛӨХ ХӨДӨЛГӨӨН

МОНГОЛЫН ҮНДЭСТНИЙ ЧӨЛӨӨЛӨХ ХӨДӨЛГӨӨН

ТӨРИЙН БУС БАЙГУУЛЛАГА

ЭНД ДАРЖ БИДЭНТЭЙ НЭГДЭНЭ ҮҮ!

Таны тус дэмжлэг бол BOLOR.INFO хаягийг бусдад түгээх!

 

Автор: Джон Тейлор Гатто /АНУ/
Оригинал нэр: Dumbing Us Down
Нэр: Хүн сүргийн үйлдвэрлэл
Хэвлэл: Соёмбо Принтинг ХХК
ISBN: 978-99929-4-660-1(мон.)
Хэвлэгдсэн он: 2011
Хуудасны тоо: 130

 

 

ДЖОН ГАТТО, ХҮН СҮРГИЙН ҮЙЛДВЭРЛЭЛ

   Монгол хэл дээрх хэвлэлийн өмнөх үг

Нилээд хэдэн жилийн өмнөөс миний танил ажил олгогч хүмүүс нэг зүйлд гайхаж харамсан шогширцгоох болсон юм. Тэдэн дээр ажилд орохоор ирж байгаа манай сүүлийн үеийн ихэнхи залуучуудын хувьд бүрэн дунд сургууль, эсвэл дараа нь аль нэг дээд сургууль төгсөж олж авсан боловсрол, мэдлэгүүд нь урьд өмнө үеийнхээс ч илүү өнгөц, хийсвэр болж, системтэй гүнзгий мэдлэгийн тал дээр бүр илт доошилсон байсан юм. Залуусын мааань ихэнхи ажил, амьдралд тогтвортой суралцан хувь хүнийхээ хувьд амьдралын илүү шинэ шатанд гарахыг эрмэлзэхийн оронд хялбархан бага хөдөлмөрлөж хурдхан бас тэгээд ахиухан мөнгө олох гэсэн үзэл, ажил амьдралдаа хандаж байгаа түр зуурын хандлага нь манай нийгэмд бүр шинэ үзэгдэл болсон юм. Тэгээд ч бидний олонхи энэ байдлын янз бүрийн хэлбэрүүдтэй нь өдөр бүр, алхам тутамдаа таарах болсон тул олон хүмүүс энэ байдалд сэтгэл зовниж нөхцөл байдал, уг шалтгааныг өөр өөрийнхөөрөө ярьж тайлбарлаж байгаа хэдий ч тэд асуудлын уг шалтгаануудыг нь бус харин үр дагавруудыг нь тойруулан ярьсаар байгаа юм.

Манай одоогийн нийгэмд ноёрхож байгаа мөнгөний үзэл суртал, телевизор ба бусад олон нийтийн мэдээллийн хэрэгслээр өдөр тутам явж байгаа урсгал нь энэ нийгмийнхээ бараг бүх зүйлд нэвт шингэсэн байдаг билээ. Тэгвэл бид хүүхдүүд, залуу үеэ дан буруутгахын оронд бид бүгдийн одоогийн энэ оюун санааны хоосрол, төөрөгдөлд орсон байдал нь манай нийгэмд өрнөж байгаа тодорхой үйл ажиллагаануудын шууд үр дагаврууд гэдгийг хүлээн зөвшөөрөх ёстой юм. Гагцхүү үүний дараа л бид уг асуудлын эх сурвалж, шалтгаан нь чухам юунд байгааг олж харж ойлгон цаг алдалгүй өөрчилж шинэчлэх арга замуудыг хамтран хайх боломжтой болох билээ.

Одоогийн манай нийгэмд боловсрол мэдлэгийг олгох, олж авах үйл явцыг мөнгөөр арилжиж болох бараа мэт болгосон ба иймээс манай эцэг, эхчүүд хүүхдүүдийнхээ боловсролд өөрсдийн орлогын багагүй хэсгийг зориулж байх болсон юм. Гэвч ихэнхи тохиолдолд одоогийн энэ манай боловсролын салбарт баримталж байгаа гаднаас тулгасан номлол, сургаж байгаа зүйлүүд нь бидний хүүхдүүдэд амьдралд хэрэгтэй жинхэнэ боловсрол, мэдлэгүүдийг нь олгоход нь, тэдэнд өөрсдийнхөө үзэл баримтлал, итгэл үнэмшлүүдийг төлөвшүүлэхэд нь, амьдралын зөв замаа өөрсдөө сонгоход нь саад болсоор байгаа юм. Үүний оронд сургуулиуд тэднийг нэг хэвэнд хүчээр “цутгаж” хожим амьдралд нь хир хэрэг болох эсэх нь тодорхойгүй, онолын янз бүрийн хийсвэрлэлүүд болон хөрөнгө мөнгө, албан тушаалд хүрч амьдрах зэрэг хуурамч "үнэт зүйлүүд"-ээр халдварлуулж хүүхэд, залуу насандаа сурч мэдэх үнэт цагаа үр дүн муутай үрэхэд хүргэж байгаа юм.

Томчууд бидэнд дунд сургууль ба хожим дээд сургуульд өгч байсан ихэнхи хийсвэрлэлүүд нь бидний олонхийн бодит амьдралд хичнээн бага ач холбогдолтой, ашиг тустай байгааг хожим ойлгоцгоож байдаг билээ. Ийм системгүй, өнгөцхөн хийсвэрлэлүүдийг нь цээжилж авахын тулд бид амьдралынхаа бүхэл бүтэн 12 жилийг зориулж нэгэнт алдсан байдаг. Харин хүний амьдралд жинхэнэ ач холбогдолтой, утга учиртай, ашиг тустай бодитой чиг хандлага, үзэл баримтлалын тал дээр бидний олонхи багахаан өнгөц зүйлүүдийгмэдэж сурч авсан байдаг ба энэхүү туршлага, мэдлэгийн хомсдол нь эргээд бидний амьдралын алхам тутамдөргөн утгаараа бол бидний дотор нь амьдарч байгаа нийгэмд сөрөг нөлөөгөө үзүүлж боомилсоор байгаа юм.

Хүн өөрөө өөрийгөө танин мэдэх, Амьдралын ба Байгаль дэлхийн бодит байдлыг ойлгож ухамсарлаж өөрсдийн бие даасан итгэл үнэмшилүүд, үнэт зүйлсийн богцтой болох нь хэрэв шаардлагатай бол суралцаж олж авах тэр боловсрол, мэргэжлүүдийн хувьд урьдчилсан, ухамсартай нөхцөл байдал нь байдаг. Боловсролын талаар бидэнд нялзааж тулгаж байдаг олонхийн хэвшмэл сэтгэлгээ, төөрөгдлөөсөө бид салах цаг аль хэдий нь болжээ. Юуны өмнө энэ байдлыг бид бүхэн үндэстнийхээ хувьд хир хурдан ойлгон ухаарч зорилго, хүч чармайлтаа нэгтгэн цаг алдалгүй засч залруулж чадахаас бидний хойч үеийн эрх чөлөөт аж амьдрал, манай улсын тусгаар тогтнол, хөгжил цэцэглэлт - үндэстний сэргэн мандал шууд хамаарах билээ.

Чухам энэ асуудал нь Монгол үндэстний бие даасан тусгаар байдал, бодит өрсөлдөх чадвар, манай ард түмний эрх чөлөөт амьдралын үндсийн үндэс гэдгийг иш үндэс болгож хойч үедээ жинхэнэ бодиттой боловсрол мэдлэгүүдийг олгож байх, зөв итгэл үнэмшлүүдийг бүрдүүлж байх асуудлыг төрийн болон монгол хүн бүрийн үйл хэрэг болгох бодит шаардлага тулгараад байна.

Хэрэг дээрээ бид хүүхдүүд, залуу хойч үеэ чухам юунд "сургаж", тэдэнд ямар ирээдүйг нь бэлдэж өгч байна вэ? Үүнийг хэн зүтгүүлж байдаг, энэ байдал нь хэнд ашигтай вэ?

Боловсрол гэж ер нь чухам юу юм бэ, юуны тулд хэрэгтэй юм бэ гэдэг бидний амьдралын хамгийн чухал асуултуудын хариуг эцэг эхчүүд, залуу үе, сурагчид маань заавал ухаарч ойлгосон, мэдсэн байх ёстой билээ.

Одоогийн бүх нийтийн албан боловсрол, манай дээд сургуулиудад сүүлийн 20 жилд хийсэн туршилтууд, сургалтынх нь цаад мөн чанар, бидний хойч үеийг хэн болгож байгааг олж харж өөрсдийн дүгнэлтээ хийцгээе. Энэ ном Интерном, Билэг Их дэлгүүрийн номын худалдаанд бий.

 

 

1 1 1 1 1 1 1 1 1 1 Үнэлгээ: 4.70 (5 удаа үнэлсэн)

Сэтгэгдлүүд  

Барсболд
0 # Барсболд 2012-03-07 04:52
Болороо ахаа энэ нийтлэлээ дахин тавина уу? Юутай ч таны гаргасан номуудад дахин баярласнаа илэрхийлье харин цаашид гарах ном, сурвалжлага, ярилцлага, ажилд нь ололт амжилтын дээдийг билэгдье!
Хариулах | Ишлэл татаж хариулах | Ишлэл
g
0 # g 2012-03-16 16:26
Ухуулах, сэнхрүүлэх хэрэгтэй байнаа.
Хариулах | Ишлэл татаж хариулах | Ишлэл
tmg
0 # tmg 2012-03-19 12:21
mongol heldeer forum aa ajiluulj ihleechee odoo uzel bodloo huwaaltsah humuus ih baina
Хариулах | Ишлэл татаж хариулах | Ишлэл
Red Guard
0 # Red Guard 2012-04-23 17:02
Би энд тэнд нэг иймэрхүү юм бичиж явдаг хүн...

Капитализм бол Корпоратикраси буюу нийгмийн баялагийг хүчирхэг бизнесийн корпораци, бүлгүүдийн гарт төвлөрүүлэх, тэдний алдагдлыг татвар төлөгчдөөр хариуцуулах тогтолцооны ганган нэр. Тэр өөрийн жинхэнэ нүүр царайг Ардчилал, Эрх чөлөө гэх хоёр үгтэй цэнхэр өнгийн лоозонгуудаар, элдэв шуналын нийтлэг бүлэг болсон олон намын тогтолцоогоор, хар тамхи, завхайрлыг сурталчилсан поп хөгжмөөр, эх дэлхийн газрын баялагийг үр ашиггүй цамаархан үрсэн цацсан гэрэл гялбасан төв гудамжуудаар далд[censored].

Тэр хүмүүсийг шунал, амиа хичээх үзэл, амбиц зэрэг өөрийнхөө муу чанаруудыг чөлөөлөхийг зөвшөөрч, уриалж мунхаг, өөдгүй хүмүүсээр өөрийн фен клубийг бүрдүүлдэг. Түүнийг мөрийтэй тоглоом, завхайрал шунал тачаалдаа хөтлөгдсөн, архи тамхинд мансуурсан хүмүүс маргаашгүй мэт хөлчүүрсэн хүмүүс хэтэвчээ хоосолдог арын гудамжны бартай зүйрлэх нь зүйтэй.
Хариулах | Ишлэл татаж хариулах | Ишлэл
Red Guard
0 # Red Guard 2012-04-23 17:06
Социализм нийгмийн баялагийг тэгш хуваарилах тал дээрээ бол төгс тогтолцоо шүү дээ.

Социализмын идеалоги бол хүний нийгэмч шинжэд тулгуурласан, хүн бүрийг нийгмийн хариуцлагатай гишүүн байлгах, хувь хүний дур зоргыг хойш нь тавьж, нийтлэг ашиг сонирхолыг хамгаалах гэсэн агуулгууд дээр тогтдог. Социализмын агуулгаар бол нийгэм бол хүмүүсийн хоорондын тэмцлийн талбар биш, харин нийгэм бол тэр чигээрээ хүний байгальд амьд үлдэх зохион байгуулалтын хэлбэр юм.

Харин Капитализм /үнэн хэрэгтээ Демокраси гэдэг улс төрийн тогтолцоо байдаггүй учраас ингэж бичлээ/-ын идеалоги бол бодгаль хүний аминч чанарт суурилсан тогтолцоо.
Хариулах | Ишлэл татаж хариулах | Ишлэл
Red Guard
0 # Red Guard 2012-04-23 17:07
...Нийгэм бол хүн-бодгалиудын хоорондын тэмцэлийн өөр нэгэн талбар хэмээн тодорхойлдог гэж хэлж болно. Ингэж тодорхойлсныг мэдээж хаанаас ч олж уншихгүй л дээ. Гэхдээ хоолны сүлжээ /Food chain/-ний дээр хэсэгт гарсан буюу баялагийн дийлэнх хэсгийг өөртөө хуваарилж авч баяжсан хүмүүс өөрсдийн өөдгүй, нийгэмд, цаашилбал өөрийн оршихуйд дайсагнасан аминч үйлдэлээ зөвтгөхийн тулд бий болгосон Социал дарвинизмын онолын уг санаанаас үүнийг харж болно.

Яахав би туйлширсан харагдаж байж болох л юм. Энэ Америк капитализмын загвар үнэндээ бухимдал төрүүлээд байна. Би угаасаа л шударга байх, өөрийн ашиг сонирхолыг хойш тавих, хүнд эрх биш үүрэг, хариуцлага заяамал шинжтэй гэж үздэг, өөрийн төлөө хийх бүх зүйлийг буруу, ичгэвтэр гэх байдлаар хүлээж авдаг түгээмэл бөгөөд сонгодог Ази хүмүүжилтэй хүн.
Хариулах | Ишлэл татаж хариулах | Ишлэл
Red Guard
0 # Red Guard 2012-04-23 17:07
...Гэтэл энэ нийгэм энэ бүхний эсрэгээр амьдрахыг зөвшөөрч, өдрийн хоолны төлөө алалцсан өөдгүй scavenger /өөрөө ан ав хийдэггүй, тэгэх чадваргүй, бусад амьтдын хийсэн ан аваас хулгайлах буюу сэгээр хооллох замаар амьдардаг амьтан/-ууд, үүрэг хариуцлагаа мартсан, ашиг сонирхолынхоо боол болсон хүмүүсийн дунд амьдруулж байна. Бухимдал радикал, экстримист үзлийг төрүүлдэг байх гэж би боддог юм. Яадаг юм бэ, би зүүний үзлийг дэмжин туйлширмаар байна.
Хариулах | Ишлэл татаж хариулах | Ишлэл
Red Guard
0 # Red Guard 2012-04-23 17:12
Нэг хэсэг би л ганцаараа ийм радикал үзэлтэй юм байх гэж боддог байлаа. Гэхдээ сүүлийн үед капитализмыг боловсорсон үндэслэл гаргалгаатайгаар шүүмжилдэг монгол хүмүүс байгааг мэдэж аваад тун ч баярлаж байгаа.

Мөд форум ашиглалтад орох байх. Гэхдээ форумаас гадуур таны сайтад жижигхэн нийтлэл бичиж тавьж болох уу?
Хариулах | Ишлэл татаж хариулах | Ишлэл
admin
0 # admin 2012-04-29 14:46
Quoting Red Guard:
Нэг хэсэг би л ганцаараа ийм радикал үзэлтэй юм байх гэж боддог байлаа. Гэхдээ сүүлийн үед капитализмыг боловсорсон үндэслэл гаргалгаатайгаар шүүмжилдэг монгол хүмүүс байгааг мэдэж аваад тун ч баярлаж байгаа.

Мөд форум ашиглалтад орох байх. Гэхдээ форумаас гадуур таны сайтад жижигхэн нийтлэл бичиж тавьж болох уу?

Нийтлэл бичиж тавьж болноо, гагцхүү үндэслэлтэй бодит байх л хэрэгтэй. Тус сайтны холбоо барих хэсгээр дамжуулж харьцаж болно. Таны оюуны мэлмий тань хурц, амьдрал үйл тань гэгээн байх болтугай.Амжилт хүсье
Хариулах | Ишлэл татаж хариулах | Ишлэл
tse
0 # tse 2012-12-24 21:22
эхлээд бүртгүүлэх хэрэгтэй байхаа удахгүй форумаа ажилуулна гэж найдаж байна Болорболд ахаа та шүү
Хариулах | Ишлэл татаж хариулах | Ишлэл
Зук
0 # Зук 2013-03-26 13:34
Болорболд ахдаа амжилт хүсэе Илүү олон нийтлэл бичИж илүү олон хүмүүсТ ойлгуулж байж энэ нийгмийн болохгүй бүхнээс салах байх. Би 1 жилийн өмнөөс л энэ бүхнийг гадарлаж залхах болсон. Захын жишээ гэхэд өнөөгийн монголын залуус байрны лизИнг нэртэй өр тавиад л нэг насаараа тэр өрөө дарахын тулд боолчлогдож байгааг бид бүгд харж байна.
Хариулах | Ишлэл татаж хариулах | Ишлэл
уншигч
0 # уншигч 2013-03-28 04:28
Миний байнга ордог дуртай сайт бгаа юм Сүүлийн үед шинэ мэдээ гарахгүй байхын ядаж RFID микрочип ын талаар дэлгэрэнгүй шинэ нийтлэл бичээч гэж хүсэж бнаа Монголын ирээдүйн нэмэгдэж бгаа бодиттой нэг аюул RFID микрочип болж бна л даа
Хариулах | Ишлэл татаж хариулах | Ишлэл
бат-эрдэнэ
0 # бат-эрдэнэ 2013-04-05 19:09
би энэ сайтыг унших дуртай амжилт хүсье
Хариулах | Ишлэл татаж хариулах | Ишлэл

Сэтгэгдэл бичих

Таны бичсэн сэтгэгдлийг сайтын админ зөвшөөрсөн үед нийтлэх болно. Зөвхөн кирилл үсгээр зөв бичгийн алдаагүй бичсэн, интернет соёлын хэм хэмжээнд нийцсэн сэтгэгдлийг хүлээн зөвшөөрөхийг анхаарна уу. Сэтгэгдэл бичихийн өмнө "Интернет соёлын хэм хэмжээ" нийтлэлийг уншихыг танд зөвлөж байна.


Security code
Шинэчлэх

    • Цахим шуудан:
      • This email address is being protected from spambots. You need JavaScript enabled to view it.
      • This email address is being protected from spambots. You need JavaScript enabled to view it.
    • Мэдээлэл харилцаа хариуцсан ажилтны утас: 98279574, 99721223
    • Номын борлуулалт хариуцсан ажилтны утас: 99721223, 80088803, 99936217
    • Худалдаа хөгжлийн банк:
      • Хүлээн авагчийн банк: Худалдаа хөгжлийн банк
      • Хүлээн авагчийн данс: 456 094 040 (төгрөгийн данс)
      • Хүлээн авагчийн данс: 456 086 397 (долларын данс)
      • Хүлээн авагчийн нэр: Болор Дэмчиг(-ийн) Бусад данс