twitter logo

Твиттер гэдэг бол маш олон хэрэглэгчдийн бичил блогуудыг нэгтгэсэн интернетийн нэг үнэгүй үйлчилгээ юм. Өөрөөр хэлбэл бүх твиттерчүүд дундаа бичил блогуудын нэг сүлжээтэй болж хүн бүр өөрийн шинэ мэдээллүүдийг бичин твиттерт илгээж бусад нь мэдээллийн туузаараа тэдгээр мэдээллүүдийг нь хүлээн авч унших ба сонирхсон хүнийхээ бичил блогийг байнга дагаж уншиж ажиглаж байх боломжтой болсон гэсэн үг юм. Ер нь твиттерыг ердийн блог ба интернет чат – ICQ хоёрын нэг тийм холимог ч гэж ойлгож болно.

Твиттерийн үйлчилгээнд бүртгүүлсэн хэрэглэгч өөрийнхөө твиттер мэдээллийн туузанд богино мэдээллүүдээ бичиж твиттер сүлжээнд илгээж байх боломжтой бөгөөд харин тухайн энэ хэрэглэгчийн бичиж байгаа мэдээллийг нь сонирхож байнга дагаж уншиж байхаар шийдсэн бусад хэрэглэгчид нь түүний энэ мэдээллийг байнга хүлээн авч байх буюу дагах /follow/ тохиргоог нь хийснээр өөрийнхөө мэдээллийн тууз эсвэл твитерын клиент дээр эдгээр бичил мэдээллүүдийг нь автоматаар эгшин зуур хүлээн авч байх боломжтой гэсэн үг юм.

         Бусад төстэй интернет үйлчилгээнүүдээс твиттерын ялгагдах онцлогууд:

  1. Твиттерт бичиж илгээх тухайн нэг мэдээлэл нь 140 үсэг ба тэмдэгтүүдэд нийлээд багтсан байх ёстой. Дэндүү цөөхөн байгаа биз? Иймээс илгээгч өөрийн тухайн мэдээлэл, бодол санаагаа маш товчхон, маш оновчтой илэрхийлэх шаардлагатай болдог гэсэн үг юм. Энэ байдал нь харин твиттер сүлжээний мэдээллийн туузуудаар хөвөрч байгаа маш олон мэдээллүүдийн мэдээний багтаамж, өгөөжид эерэг нөлөөлдөг.
  2. Твиттерийг ердийн Opera, Mozilla FireFox, Internet Explorer гэх мэт интернет програмууд - браузеруудаар бус харин өөрийнх нь тусгай, клиент программуудаар дамжуулан хүлээн авч уншдаг. Ийм твиттер клиентүүд маш олон бий. Энэ тухай дараа бичих болно.
  3. Твиттерт бусад хүмүүсийн бичсэн ямар ч бичил мэдээллүүд болон нийтлэлүүдэд хариу бичиж илгээжболдог! Үүний тулд хариу бичихдээ @ тэмдэгтээр эхлэж дараа нь тухайн хандаж байгаа хэрэглэгчийнхээ твиттер нэрийг бичих хэрэгтэй. Жишээ нь: @ 2bolor гэж бичээд дараа нь хариултаа бичээрэй. Энэ хүн Таны мэдээллийг даган ажиглаж уншдаг хэрэглэгч биш байж болох ч таны энэ хариуг заавал хүлээнавна. Мөн таны энэ бичсэн хариулт нь  Таныг ажиглаж уншдаг бүх хүмүүст харагдах болно.
  4. Тухайн нэг хэрэглэгчийн мэдээллүүдийг цаашид байнга ажиглаж уншиж байхыг хүсвэл энэ хэрэглэгчийн аватарын дор байгаа Follow товчлуурыг дарах хэрэгтэй. Ингэсний дараа та энэ хэрэглэгчийн мэдээллүүдийг өөрийнхөө твиттерын нүүр хуудсан дээр хардаг болсон байх болно.
  5. Мөн өөр хүний эсвэл тухайн хандаж байгаа хүнийхээ бичснээс ишлэл авч твиттерчүүдийн хэллэгээр бол ретвит хийж болдог. Үүний тулд RT@2bolor гэж бичдэг.
  6. Твиттерээр бусад хүмүүст харагдахгүй, зөвхөн илгээгч ба хүлээн авагч талуудын хооронд хувийн мэдээллүүд бас илгээж болдог. Үүний тулд хувийн мэдээллийнхээ өмнө D@bolor гэж бичих ёстой болдог. Харин хувийн мэдээллийг зөвхөн таныг ажиглаж уншдаг хүмүүст л илгээх боломжтой байдгийг битгий мартаарай.
  7. Твиттерт шинэ мэдээллийг гар утаснаасаа мессаж илгээх замаар нийтлэх боломж бий.
  8. Твиттерт зарим хүмүүс тухайн үед чухам юу хийж байгаагаа бичдэг, зарим нь сонирхолтой холбоосуудыг нийтэлдэг, харин зарим нь тухайн нэг асуудлаар юу бодож байгаагаа бодол санаагаа бичдэг ба эцсийн эцэст чухам юу яаж бичих нь таны шийдэх асуудал юм. Гэвч таны мэдээллүүд шинэ, агуулга сайтай, бусад хүмүүст хэрэгтэй, сонирхолтой байж гэмээнэ хүмүүс уншиж цаашилбал хариу бичиж болно гэдгийг мартаж болохгүй.

     Ер нь Твиттер ямар хэрэгтэй юм бэ, бусад интернет-нийгэмлэгийн
сүлжээнүүдээс юугаараа илүү вэ?

Твиттер бол нэг хүний эсвэл олон хүмүүсийн блогуудын цуглуулга биш харин бусад ижил төстэй бодол санаа, үзэл баримтлалтай хүмүүс интернетд өөрийн үзэл нэгт хүмүүсийг олох, тэдэнтэй харьцаж байх, хоорондоо шинэ шинэ мэдээллүүд солилцож байх нэг хэрэгсэл – сүлжээний үйлчилгээ юм. Хүмүүст орон зай, цаг хугацааг гэтлэн өөрт сонирхолтой хүмүүсийг эрж олох, тэдэнтэй харьцаж байх боломжийг олгодог. Үүний тулд тэд бие биесээ эккаунт дээрээ “найз нөхөд” болгон тохируулах эсвэл харьцах контактууддаа нэмэх шаардлага байхгүй юм. Та хэрэв хэн нэгний бичсэн мэдээлэлд сонирхолтой ажил хэрэгч хариу бичвэл, магадгүй хэд хэдэн удаа ч бичих хэрэг гарч болох юм, тэр хэрэглэгч танд эцсийн эцэст заавал хариу бичих л  болно. Харин үүний дараа та бүхэн бүр хувийн мэдээллүүд бичдэг байнгын харьцаа тогтоож болох шүү дээ.

Тус сайтнаас нийтлэл хуулж өөр сайтад тавих бол энэ сайт уруу шууд холбоос хийх ёстойг анхаарна уу!

 

 

1 1 1 1 1 1 1 1 1 1 Үнэлгээ: 5.00 (2 удаа үнэлсэн)

Сэтгэгдлүүд  

НООВ
0 # НООВ 2012-10-14 12:49
АСУУЛТ МОНГОЛ ОРОН ЯМАР ХУГАЦААНД ОРШИН ТОГТНОХ ВЭ
Хариулах | Ишлэл татаж хариулах | Ишлэл
модератор
0 # модератор 2012-10-14 22:57
Quoting НООВ:
АСУУЛТ МОНГОЛ ОРОН ЯМАР ХУГАЦААНД ОРШИН ТОГТНОХ ВЭ
Улс орон эхлээд түүний ард түмний хүмүүсийнх нь тархи толгой, сэтгэл зүрхэн дотор алга болдог. Энэ нь харийн зориуд тархины угаалгыг чин үнэнд нийцэх мэдээ мэдлэг боловсрол гэж эндүүрч төсөөлөхөөс гараа хумхин суухаас эхэлдэг гэсэн үг юм. Харин дараа нь бодит байдал дээр алга болдог. Энэ үйл явц эхэлчихээд байгаа. Барууны нийгмийн ухааны боловсрол гэгч нь энэ механизмыг ажилд нь оруулдаг гол товчлуур гох нь юм аа. Энэ аргыг лав 400 жил хэрэглэж байгаа
Хариулах | Ишлэл татаж хариулах | Ишлэл
нууцлаг хүн
0 # нууцлаг хүн 2012-12-14 00:51
2013 он буюу ерөнхийлөгчийн сонгууль энэ оны онцлох үйл явдлуудын нэг нь [censored]шгүй мөн юм. энэ талаар та бүхний санал бодол
Хариулах | Ишлэл татаж хариулах | Ишлэл
оргио
0 # оргио 2013-11-13 15:03
сайн байцгаана уу твиттерт холбогдож байгаадаа баяртай байна.
Хариулах | Ишлэл татаж хариулах | Ишлэл
pass
0 # pass 2013-12-05 17:04
үүнийг өдий хүртэл мэдээгүй явжээ
Хариулах | Ишлэл татаж хариулах | Ишлэл
oogii
0 # oogii 2014-03-01 13:38
твиттэр хаягаа яаж устгадгийн болоо?туслаач хүмүүсээ
Хариулах | Ишлэл татаж хариулах | Ишлэл
Модератор
0 # Модератор 2014-03-02 13:18
Quoting oogii:
твиттэр хаягаа яаж устгадгийн болоо?туслаач хүмүүсээ

Эхлээд өөрийн хуудас руу орно. Дараа нь тохиргоо-г нээнэ. Хамгийн дор нь твиттер дансыг устгах товч бгаа... устгахыг зөвшөөрч дар. Эцэст нь дахин нууц үгээ хийж ороод устгах товч дээр дар! :thinks:
Хариулах | Ишлэл татаж хариулах | Ишлэл

Сэтгэгдэл бичих

Таны бичсэн сэтгэгдлийг сайтын админ зөвшөөрсөн үед нийтлэх болно. Зөвхөн кирилл үсгээр зөв бичгийн алдаагүй бичсэн, интернет соёлын хэм хэмжээнд нийцсэн сэтгэгдлийг хүлээн зөвшөөрөхийг анхаарна уу. Сэтгэгдэл бичихийн өмнө "Интернет соёлын хэм хэмжээ" нийтлэлийг уншихыг танд зөвлөж байна.


Security code
Шинэчлэх

    • Цахим шуудан:
      • This email address is being protected from spambots. You need JavaScript enabled to view it.
      • This email address is being protected from spambots. You need JavaScript enabled to view it.
    • Мэдээлэл харилцаа хариуцсан ажилтны утас: 98279574, 99721223
    • Номын борлуулалт хариуцсан ажилтны утас: 99721223, 80088803, 99936217
    • Худалдаа хөгжлийн банк:
      • Хүлээн авагчийн банк: Худалдаа хөгжлийн банк
      • Хүлээн авагчийн данс: 456 094 040 (төгрөгийн данс)
      • Хүлээн авагчийн данс: 456 086 397 (долларын данс)
      • Хүлээн авагчийн нэр: Болор Дэмчиг(-ийн) Бусад данс