newgeneration1

Манай монголчуудын дунд дэндүү гэнэн гэмээр бас "улааныг үзээд урвадаг, шарыг үзээд шарвадаг" туйлшрамтгай хүмүүс их олширсоон. Сүүлийн 20 гаруй жилийн турш өрнөдийн олон ургальч үзэл - олон намын тогтолцоо гэгчээр "шуудайд хийсэн ямааны эврүүд" шиг хувь хувиа амиа л бодох болсон монголчуудад Эх орон, Улс Үндэстний Эрх Ашиг - Ирээдүйн Хувь заяа гэсэн ойлголт ухамсарыг бараг байхгүй болгосон билээ.

studentloans

Америкийн бага дунд дээд боловсролын сургалтын чанар, түвшин жилээс жилд улам доошоо унасаар байгаа нь бодит байдал билээ. 2012 онд колледжуудад элсэх шалгалтын дүнгүүд нь сүүлийн 40 жилийн хувьд хамгийн муу, доогуур түвшинд байгаа байжээ. Өнөө үед колледжид суралцагсдын 2/3 -оос илүү нь сургалтын зээл авахаас өөр аргагүй амьдралын боломжтой байгаа ба Холбооны Нөөцийн Систем /хувийн төв банк нь/-ийн хийсэн судалгаагаар 2003 оноос сургалтын зээлийн нийт өрийн хэмжээ 275%-иар өссөн байна.

Компьютер хүүхдүүдэд суралцах - боловсрол эзэмшихэд нь тусалдаггүй гэдгийг, мөн "хөдөлгөөнтэй" хүүхдийн анхаарлыг нь төвлөрүүлэхэд тустай гэж сурталчилж худалдан "шахаж" байсан шахмал эмүүд нь ямар ч тус болоогүй, харин ч тэр хүүхдүүдийн эрүүл мэндэд асар их хор хөнөөл учруулсан гэдгийг өнөөдөр хүмүүс эрхбиш мэддэг болсон билээ.

Их Британийн нийслэл Лондон хот 7,5 сая орчим оршин суугчидтай. (1707 онд Англи, Шотланд хоёр улс нэгдэн холбооны нэг улс болох үеэр өөрөө өөрсдийгөө Агуу Их британи гэж нэрлэсэн түүхтэй, хэрэв одоо Шотланд улс бүх нийтийн санал асуулга дахин явуулж Их британийн бүрэлдэхүүнээс албан ёсоор гарч тусгаар тогтновол энэхүү сүржин нэр нь яах бол оо?) Харин тэгвэл энэ хот одоо хаа сайгүй бичиг үсэгт бүрэн тайлагдаагүй хүмүүстээ дарагдаж хүнд асуудалтай тулгараад байгаа аж.


Миний хүүхдэд зааж байдаг дөрөв дэх хичээл бол – хүүхдүүдийг сэтгэл хөдлөлийн хувьд бусдаас хамааралтай байж сургах хичээл юм. Элдэв янзын одуудаар тэмдэглэх, улаанаар тэмдэг тавих, инээмсэглэх, муухай харах, шагнах урамшуулах, сайшаан магтах эсвэл бүр шийтгэлүүдийн тусламжтайгаар одоогийн энэ сургууль хүүхдүүдийг өөрийн санаа зоригийг дээрээс өгсөн тушаалын системд захируулж байхад сургаж байдаг. 


Миний хүүхдүүдэд заадаг гурав дахь хичээл бол - ямар нэг зүйлд яасан ч яахав гэсэн ялгаагүй хандлага юм.
Бодит байдал дээр би хүүхдүүдийг юунд ч сэтгэл зүрхнээсээ ханддаггүй байхад сургаж байдаг ба ингэхдээ үүнийгээ маш нарийн аргаар хийж байдаг. Би тэднээсээ миний зааж байгаа энэ зүйлүүдэд бүрэн өөрсдийгөө зориулж анхаарлыг минь өөртөө татахын тулд тэсч ядахдаа суудал дээрээсээ өндөлзөн бие биентэйгээ бүр өрсөлдөж байхыг шаардаж байдаг.


Би хүүхдүүдийг тэднийг анхнаас нь оруулж суулгасан тэр л анги дотроо дандаа үлдэж байх ёстойд сургадаг.
Хэн хүүхдүүдийг ангиудад хуваарилж байдаг гэдгийг би мэдэхгүй, тэгээд ч энэ бол миний ажил биш. Хүүхдүүдэд бүгдэд нь дугаар өгч дугаарласан байдаг бөгөөд хэрэв хэн нэгэн нь бултаад өөр анги руу зугтвал түүнийг дор нь хэрэгтэй анги руу нь буцааж байдаг.


Хүмүүс намайг зүгээр л мистер Гатто гэж дууддаг. Хорин зургаан жилийн өмнө надад илүү сайн сонголт байгаагүй учир би дунд сургуульд багшлах болсон билээ. Хэдийгээр миний диплом дотор намайг англи хэлний багш гэж бичсэн байдаг ч энэ нь миний юу хийдгээс жаахан өөр юм. Би англи хэл заадаггүй, би одоогийн энэ улсын сургуулийн систем өөртөө юуг чухал хэрэгтэй гэж үзсэн тэр зүйлүүдийг нь хүүхдүүдэд зааж байдаг, тэгээд яг энэ тал дээрээ сайшаал, шагналууд авч байдаг билээ.