МОНГОЛЫН ҮНДЭСТНИЙ ЧӨЛӨӨЛӨХ ХӨДӨЛГӨӨН

МОНГОЛЫН ҮНДЭСТНИЙ ЧӨЛӨӨЛӨХ ХӨДӨЛГӨӨН

ТӨРИЙН БУС БАЙГУУЛЛАГА

ЭНД ДАРЖ БИДЭНТЭЙ НЭГДЭНЭ ҮҮ!

<h3 style="line-height:1.2;">МОНГОЛЫН ҮНДЭСТНИЙ ЧӨЛӨӨЛӨХ ХӨДӨЛГӨӨН</h3>

МОНГОЛЫН ҮНДЭСТНИЙ ЧӨЛӨӨЛӨХ ХӨДӨЛГӨӨН

Төрийн Бус Байгууллага


ЭНД ДАРЖ БИДЭНТЭЙ НЭГДЭНЭ ҮҮ!

 

 

Японд суугаа Малайзын элчин сайд «Намайг хорин настай байхад манай улс дөнгөж тусгаар тогтноод байсан бөгөөд олон асуудал тулгараад байсан билээ. Бид амжилт гаргаж, тусгаар тогтнолоо дэлхийн олон улсаар зөвшөөрvvлэх хэрэгцээ шаардлага байсан. Би Малайз эх орны төлөө хvчин зvтгэмээр санагдаад, юуны өмнө гэр орныхныхоо бахархал болсон хvн байх хэрэгтэй юм гэж бодогдож байлаа. Эх орондоо би хэрэгтэй гэж бодож явлаа. Одоо Малайзын Засгийн газар ирээдvй vеийнхний төлөө «Алсын хараа-2020» гэдэг төлөвлөгөө зохион гаргаж байгаа билээ. Улс орны хувьд Малайз амжилт олж, олон улсын тавцан дээр бол тус улс ирэх зуунд удирдагчийн байр сууринд очих ёстой хэмээн зорьж байна»гэснийг уншаад Монголын байр суурь гэдэг юу вэ гэж бодогдлоо.

Хагас жил Монголд байхгvй байгаад буцаж ирэхэд юм болгон хөгийн харагдаад, монголчууд нэг л хөгийн санагдаад болж өгдөггvй. Олон жил хөгийн юмны төлөө зvтгэж явсан би ч бусдад хөгийн харагдаж байгаа байлгvй дээ. Би бол япон хvн. Гадаадын хvн Монголыг хөгийн байна гэхэд дургvйцэх нэгэн байж болно. Гадаадынхан манай Монголыг хамаагvй шvvмжилж болохгvй гэх хандлагатай хvн ч байж болно. Гэвч миний бие Монголд хөл тавьснаас хойш яг арван жил болж байна. Хэрэв «Гадаадын хvн манай орныг бvv шvvмжил» гэх юм бол би тийм хvнд «Гадаад орноос тусламж бvv ав» гэж хэлмээр байна. Эд барааны тусламж байвал аваад байна, сэтгэл санааны тусламж бол хэрэггvй гэх гээд байгаа юм уу?

Ер нь монголчууд нvдэнд харагдах ашгаас өөр сонирхолгvй, юу ч хэлээд нэмэргvй. Гэтэл нvдэнд vл vзэгдэх нэг юм л хvнийг хvн болгодог шиг санагдах юм. Сайд, дарга болохын төлөө ёс жудгаа худалдаж чаддаг хvн, тэр хvнийг тойрон шавсан шимэгч хорхой шиг хvмүүс. Миний бодлоор Монголд сайд дарга болсноос малчин болсон нь илvv мундаг. Өнөөдрийн Монголд дээр өгvvлсэн Малайзын сайдын vгэнд гарсан ухаан шиг ухаан алга. Өөрөөр хэлбэл олон улсын харилцааны тавцан дээр уншигчийн байр сууринд гарна гэсэн ухаан огт алга санагдана. Малайз ч, Монгол ч ялгаагvй Азийн хөгжиж байгаа л орон. Төр хvчтэй байя гэвэл хууль боловсронгуй, хууль хvчтэй байх ёстой гэх хvн байдаг. Гол нь хуулиндаа биш, хуулийг зөв хэрэгжvvлэх явдал л чухал. Хуулийг зөв хэрэгжvvлнэ гэдэг сэтгэлийн сахилгатай байхыг хэлнэ. Сэтгэлийн сахилга байвал буруугаа засаж, алдсанаа нөхөн сэргээх дотоод дархлал байна.

Тийм юм байхгvй бол гаднаас яаж ч оролдоод сайжруулж чадахгvй. Хятадын “Их сургаал бичиг” номын VI бvлэгт “Улс орны хувьд эд хөрөнгийн сонирхол жинхэнэ ашиг сонирхол биш, харин ёс журам бий болгох л жинхэнэ ашиг мөн” гэж бичжээ. Улс орны удирдагчид нь өөрсдийнэрх ямба, эд хөрөнгийн талаар хvч чармайлт тавьж байгаа бол заавал хөгийн амьтсыг өөрийн гар хөлүүд болгон ашигладаг. Тэгэхдээ "удирдагч нь тэдгээр ашиглаж байгаа хvмvvсээ чадвартай гэж бодож байгаа бол тийм хөгийн амьтдаар төр, засгийн эрх бариулах ба тэгж эрх бариулбал заавал хvн зоны ч юм уу байгалийн гай гамшиг учирна» гэж сургасан байдаг. Хятадын сургаалаас иш татвал өнөөгийн монголчууд «хятадын юм» гэсэн утгаар хvлээж авахгvй ч байж мэднэ. Дургvйцээд зvгээр сууж байснаас хятадуудаас илvv их юм уншиж, наад захын хятадын гvн ухаан мэдэж байх хэрэгтэй бус уу!?

Ер нь монголчууд ном уншихгvй болсон байна. Өнөөгийн Японы нийгэмд тодорхой өндөр байр суурь эзэлсэн байгаа хvмvvс залуудаа өглөөнөөс vдэш болтол тасралтгvй ном уншиж байсан бөгөөд одоо ч япончууд маш их уншдаг. Яагаад ингэж уншдаг вэ? Өөрсдийн дотоод ертөнцийг сайжруулахын төлөө л тэр. Монголд өрнөсөн ардчиллын vйл явцыг Японы Мэйжигийн хувьсгалтай (1868 оны) зvйрлэн ярьж байсан. Монголыг Японтой зvйрлvvлээд дэмий байх аа. Тэрхvv Мэйжигийн хувьсгалын өмнө Англи, Францад очсон япон хvн байсан, тэд тэдгээр орны байдлыг гайхаж, улмаар манай Япон хурдан сурч боловсорч, хөгжих ёстой гэж бачимдан цухалдаж байсан гэдэг. Тэр бол жинхэнэ эх оронч сэтгэлгээ юм. Бас дэлхийн II дайны vеийн Японы хямралыг ч өнөөгийн Монголын шилжилтийн vеийн хямралтай зvйрлэдэг хvн бий. Япончууд тэр vед хvн бvр хvчээ дайчлан ажиллаж, Япон орныг баян тансаг болгоё гэж бодож байснаас бус, одоогийн зарим монгол хvн шиг эх орны нэрээр хаа нэгтээгээс олж ирсэн мөнгийг өөрийн нэр дээр гадаадын банкинд шилжvvлж байгаагvй юм гэнэ билээ. Ийм байхад манай япончуудтай өөрсдийгөө зvйрлэх гээд байгаад зэвvv хvрч байна.

Ингэхдээ би манай япончууд мундаг, Монгол хvмvvс муу гэх гээгvй. Хvн л юм хойно аль алинд нь сайн муу юм бий. Гэхдээ монголчуудыг харахаар юмыг зөвхөн хэлбэрдээд л, агуулгыг орхисон шиг бодогдож, санаа зовоох юм. Yнэхээр соёлын хямрал. Ном уншихгvй, унших ном ч байхгvй. Мэдлэг нь өөрөө олж авсан биш, дандаа бусдаас л дуулсан зvйл байдаг. Ижилхэн санаа бодолтой, нэг төвшний хvмvvс цуглаж ярилцлаа ч хөгжиж дэвжихэд ямар ч нэмэргvй. Телевиз, радио, хэвлэл гэхэд бас л ижилхэн ухаантай, ижилхэн төвшний хvмvvс бичиж, ярьж, нэвтрvvлж байгаа учраас ялгаагvй, тvрvvчийн л цуглаад ярьсны vргэлжлэл. Тархины тураал. Сайн сураагvй гэж хэлvvлсэн хэрнээ, бас өөрөө тvvнийгээ мэдэж байгаа хэрнээ бодож санах юмгvй яваад л байна. Монгол хvн маш азтай юм. «Монгол vндэстэн» гэдэг нэрээр дэлхий даяарт эрхэлж, дэлхий даяараа эрхлvvлж байна. Чингис хааны нэр барьж ямар нэг юм хийх гээд байх юм уу, хэнээс ямар тусламж орж ирэх нь вэ гэж хараад хvлээгээд л суугаад байна. Хэрэг болбол залхтал гуйж хоргооно, хэргээ бvтсэн хойно таг чиг болно.

Ер нь япончууд хvнээс юм гуйхаас ичдэг, хvний юм авахаас санаа зовдог. Хэрэг бvтсэний дараа л баяр талархал илэрхийлэхийг чухалд vзэж жин даруулдаг. Дэлхий нийтээс ялгарах монголчуудын нэг онцлог бол дээр дурдсан, хэргээ бvтмэгц таг чиг болдог зан. Манай япон ёс ийм тийм гэвэл зарим монгол хvн «За яршиг, зvгээр. Японы ёс ямар хамаатай!» гэх нь бий. Манай япончууд зvгээр л нэг ажил хөдөлмөрт зvтгээд өнөөгийн хөгжилд хvрсэн биш, хажууд нь ёс төр гэж чухал юм байнга хамт явдаг. Энэ бол Хятадад ч, Америкт, Европт ч бий. Ойр дотно болох тусмаа ёс төрийг чанд баримтлах нь чухал. Ёс төрийг сайн сахих хэрэгтэй. Залуус бол ер нь ёс төр гэж юу болохыг олигтой мэдэхгvй учраас тал хувь нь бvтэж байсан ажил хэргээ бvр нурааж орхих нь ч бий» гэж бид заалгадаг. Монголчууд ёс мэдэхгvй гэдгийг тэдэнтэй нэлээд харилцсан япончууд мэднэ. Тэр ч бvv хэл зарим нь «Угаасаа байхгvй юм чи нь, ёс журмыг монголчуудаас эрээд яадаг юм бэ!» гэдэг гээд бод л доо.

«Хvн гэдэг хоол, унд, хувцас хунарт зовохгvй болж байж сая хvний ёсыг бодно Монголчууд мөр бvтэн, гэдэс цатгалан болж байж ёсыг сурах байлгvй дээ» гэх хvн ч тааралддаг. Гэвч юу л бол доо. Монголчууд хоол унд, хувцас хунарт санаа зовохооргvй болчихвол харин ч нvглийг мартах байлгvй. Монголчуудтай харилцахлаар л сэтгэл сэвтэнэ. Сэтгэлийн тусыг ойлгохгvй хардаж сэрдэнэ. Тэгээд «Ямар ч тооцоо, зорилгогvйгээр хvнд тусална гэдэг ойлгомжгvй юм. Тооцоотой, зорилготой байж л хvнд тусална гэдэг нэг талаар зөв» гэх нь урам хугална. Монголд хvнд хариугvй тус хvргэнэ гэж байхгvй. Энэ бол ядуу байгаагийн шинж. Тулга тойрсон тооцооны богино ухаан монголчуудыг туйлдуулж байна. Миний хувьд, бvр багаасаа «Хvнд туслах бол хариу санаж тооцоололгvй сэтгэлээрээ тусалж бай» гэж сурсан билээ. Харин монгол хvн «Аав ээж намайг «хvнд туслахдаа тооцоотой хандаж бай» гэж сургасан гэхийг сонсоод, Монголын нийгэм дэх хvний сэтгэл Японыхоос эрс өөр болохыг мэдэрлээ.

Танай хvмvvжлийн энэ зарчим дөрвөн уулын дундаас бvv гараасай гэлтэй ч тийм хvмvvжилтэй хvмvvс хэдийнээ хил давж, бусдын зэвvv хvргэж яваа нь vнэхээр харамсалтай. Өгөөш том тусмаа дэмий гэж vг байдаг. «Монголчууд юу ч vгvй юм чинь ядаж бардам зан байх ёстой» гэдэг монгол хvн тааралдана. Гэхдээ одоогийн монголчууд бардам зан гэж юуг хэлэхээ сайн мэдэхгvй байгаа учраас тэдний бардам зан гээд байгааг өөр хэлэнд орчуулбал бvдvvлэг зан гэж л буулгахаас аргагvй. «Сул дорой хvн тvvнийгээ нуух гэж зөрvvдлээд, найр тавихыг зохисгvйд тооцон омогддог» гэсэн vг бий. Монгол залуучууд «Гадаадынхан бага юм өгч байна. Бvр ихийг өгөх ёстой. Юм өгч байгаа нь цаанаа учиртай» гэх мэт хардлага сэрдлэгийн хачин сэтгэл их гаргана. Баян ядуу гэдэг ер нь юу юм бэ. Миний бодлоор баян хvн өөрийгөө гэх аминч vзлийг дийлэн зохицуулж чаддаг байхыг хэлнэ. Сэтгэлийнх нь бvх орон зай зөвхөн «би» гэх ганц бодлоор дvvрсэн хvнийг аминч vзэлтэн гэнэ. Миний энэ утгаар баян ядууг ойлгодог хvн Монголд хэд бол? Монголд vнэхээр баян хvн байхгvй гэж боддог. Бузар мөнгө, ариун мөнгө гэж ялгаж чадахгvй, мөнгө бол эрх хэмжээ гэж ойлгож байгаа цагт Монголд жинхэнэ баян байгаа гэж төсөөлөхийн аргагvй. Өөрөө vл тансаглан, өрөөлийг тансаглуулагч л жинхэнэ баян хvн. Хятадын «Мэнз бичиг» номд «Ордны дотор цэвэр тансаг боловч гадаа хог новштой, тарианы агуулах сав хов хоосон байхыг хулгайчийн тансаглал гэнэ» хэмээжээ.

Муу луйвраар залилж авсан мөнгөөр хvvхдээ гадаадад сургахаар явуулдгийг ойлгохгvй байна. Юуг нь ойлгохгvй байна вэ? Аав нь луйвраар олсон мөнгө гэдгийг мэдсээр байж, тийм мөнгөөр суралцахаар явж чадаж байгаа хvvхдийнх нь сэтгэлгээг vнэхээр ойлгохгvй байгаа юм. Би ямар мундаг хvн биш, монголчуудад сургаал айлдах чадалтай ч биш дээ. Ер нь Монголд эхлээд хvний дотоод сэтгэлийн хувьсгал л хийх хэрэгтэй. Тэгж жинхэнэ хvн бий болгох ёстой байлгvй дээ. Жинхэнэ хvн гэдэг ямар хvнийг хэлэх вэ гэвэл худлаа хэлдэггvй хvнийг л хэлнэ. «Монгол хvний vгэнд битгий итгэ!» гэдэг vгийг хаанахын хэнээс ч сонсож болно. Танилцах тусмаа итгэх боломжгvйг ухаарна. Монголыг сайн мэддэг хvн бол юу гэж хөрөнгө оруулалт хийх вэ дээ. Мэдэхгvй хvний толгойг эргvvлж байгаад, хэдэн цаас салгаж аваад нvvр буруулахыгаа л мөнгө оруулалт гэж бодоод ойлгуулаад байх шиг. Тэгсэн хэрнээ хөрөнгө оруулагч Монголд бус, өөрт ашигтайг бодож vvнийг хийж байгаа мэтээр сонин хэвлэлээр шуугиулах нь дэндvv. Хятадын зохиолч Ро жин, «Усанд унасан нохойг нэрмэж зод!» гэж бичсэн байдаг. Ёс журам эс мэдэх нохойг авартал хэн нэгнийг зууж мэдэх юм шvv гэсэн утгатай энэ vгийг олж уншаад хvчтэй цохилт авсан. Би багаасаа «Хvн болгонд тусалж бай» гэж хvмvvжсэн.

Гэхдээ монголчуудтай харилцаж явахад Ро жингийн энэ vг орой руу орж билээ. Ер нь Монголд зовлон багадаад байх шиг. Зовж л байж юманд хvрдэг хорвоо доо. Ардчилал иймэрхvv замаар явж байгаагийн хариуцлага ард тvмэнд бас бий. Монголын ард тvмэн өөрөө хийх ёстой гэж бодохгvй, хэн нэгэн хvн хийж өгөөсэй гэж хvлээгээд сууж байна. Хэн Монголын нийгмийг гайгvй болгох ёстой юм бэ? Дандаа хvний гар харна. Өөрт хамаатай юмыг өөрөө л хийх ёстой гэдэг зарчим алга. Гадаадад сурч байгаа хvмvvс, гадаадад гарсан хvмvvс монгол орноо хаяагvй байх аа. Гэхдээ тэд «Монголыг гайгvй болохоор нь очно» гэж ярьдаг. Бас л хvний гар харсан сэтгэлгээ. Монголчууд гадаад хэл их сурч байна. Тэгж сураад юунд хэрэглэх, ямар зорилготой вэ? Бизнес, мөнгө, нэр алдар бодохоос бус, эх орондоо хэрэгтэй хvн болмоор байна, эх орны төлөө сурах ёстой гэж бодох хvн байхгvй. Юуны өмнө өөрийн амьдрал байдлыг сайжруулаад, дараа нь эх орноо гэж боддог, бас тэгж хэлдэг хvн олон.

Өөрийн амьдрал байдлыг л сайжруулах гэсэн хvний хvсэлд хэр хэмжээ гэж байхгvй!!! Монголчуудтай харилцах бvрт, сvvлийн vед «Арсланг дийлэх гэж оролдоод оролдоод яаж ч чадаагvй өчvvхэн хулгана хавханд хавчуулж шархалсан өвдгийг нь хазаж орилуулсан гэнэ ээ» хэмээх нэгэн vлгэр санаанд орж ирээд, тэр арслангийн өвдөг нь би юм шиг санагдаад болж өгдөггvй. Монголд байх тусмаа монголчуудтай харилцах талаар их юм сурлаа. Амин хувиа хичээгчдийн дунд байх тусам алаг хорвоогийн хоосон чанар илvv тод харагдах аж.

Хорвоо ертөнц дандаа нэг янзаараа байхгvй. Цэцэглэсний эцэст хагдрах зайлшгvй. Алдар нэр, албан тушаал гэгч нэг л бодит чанартай биш санагдаад байх юм даа...

...Бид хаашаа явж байна аа, "сэмхэн" хүмүүс ээ!!!


Холбоотой нийтлэлүүд

 

Сэтгэгдлүүд  

монгол
+1 # монгол 2013-03-03 21:55
энэ одоо юү вэ? үнэн юм уу? өөрөө монголын хамгийн хөгийн шааруудтай нь танилцчихаад нийт монголын ард түмнийг ингэж илэрхий доромжилж болохгүй байхаа хө.монголчууд ёс төр мэдэхгүй ч гэх шиг. өөрийгөө ямар богино сэтгэдгийг жинхэнэ харуулаад өгөх шивдээ айн ноёнтонгуай. шал инээдтэй юм.хаана ч ийм муу хүмүүс байдаг шүү дээ. ялангуяа танай японд бүр ч их байгаа байх шүү.
Хариулах | Ишлэл татаж хариулах | Ишлэл
Бас нэг монгол
0 # Бас нэг монгол 2013-03-04 20:41
Энэ уул нь их гоё эхлээД л за манай монголчуудын ёс суртахууныг авч өгөх нь дээ гэсэн чинь зүгээр л Бат гэдэг хүнтэй хэрэлдсЭН ЮМ ҮҮ яасАН ЮМ БОЛ тэр уураа гаргаад байгаа нөхөр байна ш дээ. Гэхдээ хөөе гадны хүнээс үг сонс гэж аливаа шүүмжийг сонсОНО шүү. Гэхдээ 10 жил монголд байчИХаад юу ч ойлгоогүй бухимдаж суухаар биед сайн тэр япондоо амар байвал ДЭЭР БИЗ ЭЭ. Та нар тэргэндээ чирэгдэж яваа бид тэргээ түрж эхлээч Үгүй хажууд нь суугаа шүүдээ. амжилт Японоо.
Хариулах | Ишлэл татаж хариулах | Ишлэл
z
0 # z 2013-03-06 17:44
Үнэн үг хэлсэн хүнД хүн өшөөтэй, Үхэр унасан хүнд нохой өшөөтэй гэж. Манай монголчуудын жинхэнэ төрхийг хэлэхээр уурлаад бачимдаад хөх тэнгэр, тэнгэр заяа болоод хоосон цээжээ дэлддэг тэнэг зангаа гаргаад эхлэх юм даа. Үнэхээр тархины тураал. ЭНЭ ЯПОНЫ БИЧСЭН ҮНЭН байна
Хариулах | Ишлэл татаж хариулах | Ишлэл
sukhee
0 # sukhee 2013-03-11 13:11
энэ япон хүний хэлж байгаа нь сайн хэрэг шүү монголчуудаа бид ойлгох ёстой бид их юм уншиж тархиа ажиллуулж сурах хэрэгтэй хүн юуны төлөө амьдрана вэ бид юутай буцах вэ??? бидний юу хийж яаж амьдарсан гэдэг л үлдэнэ.хүнд нэр төр хүн чанар хамгийн эрхэм шүү.нэр төрөө эрхэмлэдэг амь насаа ч харамладаггүй үнэнч байсан дундад зууны японы самурай нараас сурах юм их.бид 21 зууны эдийн засаг сэтгэхүйн боолчлолоос хэрхэн өөрсдийгөө авч үлдэх вэ гэдэг зөвхөн биднээс л шалтга[censored]
Хариулах | Ишлэл татаж хариулах | Ишлэл
Hvn
0 # Hvn 2013-03-19 09:40
Харин монгол хvн «Аав ээж намайг «хvнд туслахдаа тооцоотой хандаж бай» гэж сургасан..........

Хариу : Чи хүн мөн үү эсвэл зомби юу
Хариулах | Ишлэл татаж хариулах | Ишлэл
үнэн үнэн
0 # үнэн үнэн 2013-04-03 18:42
Үнэхээр үнэн үг хэлжээ. Ийм бодолтой өөр олон Япон хүмүүстэй таарч байлаа. Тэд ингэж бодоог нь үнэн шүү хүмүүсээ. бид өнөөдөр хамгийн нандин зүйлээ алдаж байгаа. энэ нийгэм тун удахгүй үеэ өнгөрөөнө гэж найдаж байгаа шүү. хүмүүсээ эх орон хүн сэтгэлээ бүү хаяаач....
Хариулах | Ишлэл татаж хариулах | Ишлэл
54367
0 # 54367 2013-04-06 20:37
Баабар л залуучуудыг ийм болглчихсон юм даа ахмадууд ч арай ийм биш ээ
Хариулах | Ишлэл татаж хариулах | Ишлэл
uyanga
0 # uyanga 2013-04-11 11:48
ер нь бол тэр чигээрээ үнэн байна. манайхан араар муулж байхаар нүдэн дээр хэлж бай гэж хоорондоо ярьдаг хэрнээ яг үнэндээ нүдэн дээрээ хэлүүлхээрээ уурлаж бухимдаж өөрийг нь шүүмжилж буй хүнийг дайсан мэтээр хүлээн авдаг сэтгэлгээ ч гэхүү ийм нийгэмтэй ч гэхүүдээ
тийм болохоор үүнийг уншихад сэтгэл дотор дэндүү их юм хурч байна Үнэхээр өөрийгөө тархины тураалд орсон байснаа мэдэрч өөрөөсөө ичих санаа зовох сэтгэгдэл төрлөө ,,,үнэхээр бидний хамгийн түгээмэл сэтгэлгээ өөрийн амьдралаа сайжруулаад дараа нь эх орноо гэдэг нь үнэнч нээрээ л хүний хүсэл дуусдаг билүү гэх бодол төрж байна.
өнөөдрийн залууст эх орон гэсэн сэтгэлгээ байдаг билүү?
эд маиериал чухал ч гэлээ амьдралын хэмжүүр мөн боловч эх орны ирээдүй залуус мэдлэг боловсролтой болох ёс журам хүн чанарт суралан эв нэгдлийг эрхэмлэн нэгдэх цаг ирсэн гэж бодогодлоо
Хариулах | Ишлэл татаж хариулах | Ишлэл
-Н-
0 # -Н- 2013-04-13 21:35
[quote name="монгол"]энэ одоо юү вэ? үнэн юм уу? өөрөө монголын хамгийн хөгийн шааруудтай нь танилцчихаад нийт монголын ард түмнийг ингэж илэрхий доромжилж болохгүй байхаа хө.монголчууд ёс төр мэдэхгүй ч гэх шиг. өөрийгөө ямар богино сэтгэдгийг жинхэнэ харуулаад өгөх шивдээ айн ноёнтонгуай. шал инээдтэй юм.хаана ч ийм муу хүмүүс байдаг шүү дээ. ялангуяа танай японд бүр ч их байгаа байх шүү.[/quote
чи өөрөө төөрөөд байгаан биш үү, чиний тухай үнэнийг хэлсэн байна энэ хүн.
Хариулах | Ишлэл татаж хариулах | Ишлэл
Ц
-1 # Ц 2013-05-29 22:39
энэхүү "тархины тураал"ыг уншлаа.одоо цагт манай монголын залуучууд нэр алдар,мөнгөний төлөө л амьдарч байна шүүдээ.биднийг гадны хүний нүдээр харахад яг л ийм л харагдаж байгаа юм лдаа.Харин өөрсдөө энийгээ мэдэхгүй хүний бичиж хэлснийг буруутгаад байх хэрэггүй шүүдээ.
Хариулах | Ишлэл татаж хариулах | Ишлэл
Бажа
0 # Бажа 2013-06-07 01:27
Quoting Ц:
энэхүү "тархины тураал"ыг уншлаа.одоо цагт манай монголын залуучууд нэр алдар,мөнгөний төлөө л амьдарч байна шүүдээ.биднийг гадны хүний нүдээр харахад яг л ийм л харагдаж байгаа юм лдаа.Харин өөрсдөө энийгээ мэдэхгүй хүний бичиж хэлснийг буруутгаад байх хэрэггүй шүүдээ.

:yes:
Хариулах | Ишлэл татаж хариулах | Ишлэл
admin
0 # admin 2013-08-14 12:25
Энэ номыг хаанаас олох вэ?
Хариулах | Ишлэл татаж хариулах | Ишлэл
otgoo
0 # otgoo 2013-11-14 16:59
үнэээн үнэн. залуусаа бардам зангаа түрхэн орхиод үүнийг уншаад сонсоод юу бодогдож байгаагаа л бич лдээ.надад бол үнэхээр гашуун үнэн гэдэг нь энэ байх гэж бодогдлоо. олон залууст эдгээр үгс хүрээсэй..
Хариулах | Ишлэл татаж хариулах | Ишлэл
Demjigch
0 # Demjigch 2014-02-18 12:01
Quoting үнэн үнэн:
Үнэхээр үнэн үг хэлжээ. Ийм бодолтой өөр олон Япон хүмүүстэй таарч байлаа. Тэд ингэж бодоог нь үнэн шүү хүмүүсээ. бид өнөөдөр хамгийн нандин зүйлээ алдаж байгаа. энэ нийгэм тун удахгүй үеэ өнгөрөөнө гэж найдаж байгаа шүү. хүмүүсээ эх орон хүн сэтгэлээ бүү хаяаач....
Энэ үнэн залуучуудаас л өөрчлөлт шалга[censored]. Хамгийн гол нь ХҮН байх.
Хариулах | Ишлэл татаж хариулах | Ишлэл
asdf
0 # asdf 2014-02-25 16:16
Энэ нэлээд дээхнэ үед бичигдэж байсан байх. Хэдийгээр монголчуудын нийтлэг үнэн байдлыг хэлсэн байгаа ч энэ хүн өөрөө хаана, ямар хүрээлэлийн хүмүүстэй харьцаж байснаа бичээгүй байх юм. Аливаа юм баримттай байвал хүнд хүрэхдээ илүү. Японы ахуй, нийгэм, ёс заншил өөр, Монголын нүүдэлчдийн сэтгэхгүй бүүр өөр. Мэдээж жинхэнэ монгол ёс төр ховордоод байгаа хэдий ч, энэ нийтлэлд тодруулаад байгаа шиг огт байхгүй болсон зүйлгүй. Гол нь бид алдаагаа засч залруулаад, сайжруулаад явах нь чухал.
Хариулах | Ишлэл татаж хариулах | Ишлэл

Сэтгэгдэл бичих

Таны бичсэн сэтгэгдлийг сайтын админ зөвшөөрсөн үед нийтлэх болно. Зөвхөн кирилл үсгээр зөв бичгийн алдаагүй бичсэн, интернет соёлын хэм хэмжээнд нийцсэн сэтгэгдлийг хүлээн зөвшөөрөхийг анхаарна уу. Сэтгэгдэл бичихийн өмнө "Интернет соёлын хэм хэмжээ" нийтлэлийг уншихыг танд зөвлөж байна.


Security code
Шинэчлэх

    • Цахим шуудан:
      • This email address is being protected from spambots. You need JavaScript enabled to view it.
      • This email address is being protected from spambots. You need JavaScript enabled to view it.
    • Мэдээлэл харилцаа хариуцсан ажилтны утас: 88167001
    • Номын борлуулалт хариуцсан ажилтны утас: 88167001
    • Банкны данс:
      • Банкны нэр: Худалдаа хөгжлийн банк
      • Дансны дугаар: 456 094 040
      • Данс эзэмшигчийн нэр: Дэмчигийн БОЛОР
      • Валютын төрөл: Төгрөг